Yn gryno
Mae’r cwrs FdSc Astudiaethau Ceffylau yn cynnwys cymysgedd damcaniaethol ac ymarferol neilltuol o ddarlithiau sy’n astudio pob agwedd o’r ceffyl mewn perthynas â gofal, rheolaeth, bridio, cystadleuaeth a busnes.
... Rydych chi am ennill cymhwyster a phrofiad gwerthfawr yn y diwydiant ceffylau
... Rydych chi eisiau cymysgedd astudio damcaniaethol ac ymarferol
... Mae gennych ddiddordeb ac angerdd brwd dros y diwydiant ceffylau
Bydd nifer o fodiwlau gwyddoniaeth yn eich symud tuag at gyrsiau BSc ceffylau os ydych chi’n dymuno symud ymlaen ar ôl graddio’n llwyddiannus. Gan fod cyfleusterau ceffylau Campws Brynbuga hefyd yn cynnwys canolfan arholiadau BHS bydd y potensial i sefyll arholiadau BHS yn y coleg.
Byddwch yn cael eich dysgu trwy raglen gytbwys o ddarlithiau, seminarau, gweithdai, gwaith ymarferol, ymweliadau maes a gwaith labordy. Gall dulliau asesu gymryd ffurfiau amrywiol fel traethodau, ymarferiadau ymarferol, cyflwyniadau llafar, arholiadau, adroddiadau labordy, taflenni gwaith, astudiaethau achos, adroddiadau ymarferol, portffolios, erthyglau cylchgrawn, gwe-dudalennau a phodlediadau.
Byddwch yn ennill Gradd Sylfaen sy’n cyfateb i’r ddwy flynedd gyntaf o astudio ar raglen radd (Lefel 4 a Lefel 5).
Ym mlwyddyn un y modiwlau y byddwch yn eu hastudio yw:
- Marchfeistrolaeth
- Bridio a Bridfa
- Busnes Ceffylau
- Anatomeg Anifeiliaid Domestig a Ffisioleg
- Sgiliau Biowyddonwyr Anifeiliaid, Ceffylau a Milfeddygol mewn Ffisioleg Ymarfer Corff Ceffylau
Ym mlwyddyn dau, ar ôl cwblhau blwyddyn un a phrofiad gwaith yn llwyddiannus, y modiwlau y byddwch yn eu hastudio yw:
- Glaswelltir Ceffylau a Rheoli Busnes
- Rheoli Digwyddiadau Ceffylau a Cheffylaufeistrolaeth Uwch
- Maeth Cymhwysol Ceffylau
- Dulliau Ymchwil
- Iechyd Milfeddygol
- Taith Astudio a Diwydiant Ceffylau
Mae’r amserlen arferol ar gyfer y cwrs hwn yn rhedeg dros ddau ddiwrnod yr wythnos a bydd disgwyl i fyfyrwyr fynychu pob sesiwn. Bydd disgwyl i fyfyrwyr gwblhau o leiaf 20 awr yr wythnos o astudio ac ymchwil annibynnol. Yn ychwanegol at hyn bydd modiwl lleoliad gwaith lle bydd disgwyl i’r myfyriwr ddarganfod ei leoliad(au) gwaith ei hun i gwmpasu’r chwe wythnos sy'n ofynnol, bydd cyfarwyddyd tiwtor ar gael os oes angen.
Cynigir mynediad yn awtomatig i fyfyrwyr sy’n cwblhau’r radd Sylfaen yn llwyddiannus i’r ail flwyddyn o raglen radd addas ym Mhrifysgol Aberystwyth. Bydd y Brifysgol hefyd yn cynnig mynediad i’r flwyddyn olaf o raglen radd addas i fyfyrwyr sy’n arddangos perfformiad da yn gyson
Bydd eich gradd mewn astudiaethau ceffylau yn rhoi sylfaen ardderchog ar gyfer gyrfa yn y canlynol:
- Rheolaeth a goruchwyliaeth
- Mentrau ceffylau
- Rheolwr stablau
- Hyfforddwr
- Swyddog ymchwil maeth
- Swyddog pasbort ceffyl
- Arolygydd RSPCA
Ystyrir pob cais ar sail unigol.
Yn gyffredinol, dylai ymgeiswyr 18-21 oed feddu ar o leiaf 3 TGAU (gradd C neu'n uwch) sy’n cynnwys naill ai Saesneg neu Gymraeg, a naill ai Mathemateg neu un o’r gwyddorau, yn ogystal â chymhwyster L3 (megis Diploma Cenedlaethol BTEC) sy'n gyfwerth neu'n uwch na 48 pwynt UCAS.
Cyfrifiannell tariffau UCAS https://www.ucas.com/ucas/tariff-calculator
Croesawn geisiadau gan fyfyrwyr aeddfed (21+ oed), ac ystyrir ceisiadau ar sail unigol. Er nad yw cymwysterau ffurfiol yn ofynnol, mae diddordeb yn y pwnc, yn ogystal ag ymrwymiad ac awydd i ddysgu, yn hanfodol.
Mae’r cwrs hwn o dan fasnachfraint Prifysgol Aberystwyth
Costau ychwanegol:
Blwyddyn 1
Ar gyfer Iechyd a Diogelwch bydd angen i chi brynu dillad ac esgidiau addas i weithio ar yr iard ar gyfer pethau ymarferol:
Het reidio (i safonau cyfredol BHS), esgidiau uchel, jodhpurs a menig (bydd y costau'n amrywio).
Bydd angen i chi hefyd brynu pecyn dyraniad a chôt labordy (tua £ 20 yr un).
Blwyddyn 2
Maeth ymarferol (tua £ 50)
Taith astudio (tua £ 250)
